ສວນວັດທະນະທຳຊຽງຄວນ

ສວນ​ວັດທະນະທຳ​ຊຽງຄວນ ຕັ້ງຢູ່​​ເທິ່ງຟັ່ງ​ແມ່ນ້ຳຂອງ ​ເຂດ​ບ້ານ​ຊຽງຄວນ ​ເມືອງ ຫາດ​ຊາຍ​ຟອງ, ​ໄກ້​ກັບ​ຂົວ​ມິດ​ຕະພາບ​ລາວ-​ໄທ ​ແຫ່ງ​ທີ​ໜຶ່ງ ຫ່າງ​ຈາກ​ຈຸດ​ໃຈກາງ​ຂອງ​ນະຄອນຫລວງວຽງຈັນ ​ໄປ​ທາງ​ໃຕ້​ປະມານ 24 ກິ​ໂລ​ເມັດ.

 

ສວນ​ວັດທະນະທຳ​ແຫ່ງ​ນີ້ຖືກ​ສ້າງ​ຂຶ້ນ​ໃນ​ປີ ຄ.ສ 1958 ​ໂດຍ ​ປູ່ ​ບຸນ​ເຫລືອ ​ສຸຣິຣັດ ​ເຊິ່ງປະກອບ​ມີ​ຮູບ​ປັ້ນ​ຢັ່ງຢາຍ​ກວ່າ 200 ​ແບບ​ໃນ​ນັ້ນມີ​ທັງ​ຮູບ​ຄົນ, ຜີ, ​ເທ​ວະ​ດາ, ພະ, ສັດ​ເດລະສານ ​ແລະ ​ອື່ນໆທີ່ຢູ່​ໃນ​ອະລິ​ຍະ​ບົດ​ຕ່າງໆ ແລະ ມີ​ການ​ປະສົມ​ປະສານ​ລະຫວ່າງ​ຄະ​ຕິ​ພຸດ ​ແລະ ຮິນ​ດູ ຊວນ​ໃຫ້​​ເກີດ​ຄວາມ​ຮູ້ສຶກຊື່​ນຊົມ, ອັດສະຈັນ ​ແລະ ຜິດ​ສະຫວົງ​ສົງ​ໄສ​ປະ​ປົນ​ກັນ​ໄປ​ເມື່ອ​ໄດ້​ພົບ​ເຫັນ. ສິ່ງ​ທີ່​ໂດດ​ເດັ່ນ​ຢູ່​ໃນ​ອຸ​ທະຍານ​ແຫ່ງ​ນີ້ກໍ​ຄື​ພະພຸດທະ​ຮູບ​ປາງ​ນອນ (ປາງ​ພຸດທະ​ໄສຍາດ) ທີ່​ມີ​ຄວາມ​ຍາວ​ປະມານ 50 ​​ແມັດ ​ແລະ ປະຕິ​ມະ​ກຳ​ລາຫູ​ຍັກ​ທີ່​ກຳລັງ​ອາ​ປາກ​ຢູ່​ເຊິ່ງ​ເປັນ​ປະຕູ​ເດີນທາງ​ຂຶ້ນ​ໄປ​ສູ່​ສະຫວັນ​ຊັ້ນ​ເຈັດ (ອອກ​ຈາກ​ປາກ​ລາຫູ​ໄປ​ຊູ່​ຊັນ​ດາດ​ຟ້າ). ສິ່ງ​ເຫລົ່ານີ້​ໄດ້​ສ້າງ​ຄວາມ​ສົນ​ໃຈ ​ແລະ ດຶ່ງດູດ​ນັກ​ທ່ອງ​ທ່ຽວທັງ​ພາຍ​ໃນ ແລະ ຕ່າງປະ​ເທດ ​ໃຫ້​ມາ​ທ່ຽວຊົມ​ເປັນ​ຈຳນວນ​ຫລວງ​ຫລາຍ.

 

ຊ່ອງທາງການເຊື່ອມຕໍ່

ຈຳນວນຄົນອອນໄລ໌ທ

ມີ 13  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ

129138
ມື້ນີ້ມື້ນີ້155
ມື້ວານນີ້ມື້ວານນີ້187
ອາທິດນີ້ອາທິດນີ້97
ເອືອນນີ້ເອືອນນີ້2276
ທັງໝົດທັງໝົດ129138