ພິທີ ມອບ-ຮັບ ໜ້າທີ່ ຫົວໜ້າພະແນກ ຖວທ.ນວ

ພິທີ ມອບ-ຮັບ ໜ້າທີ່ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫລວງວຽງຈັນ ຜູ້ເກົ່າ ທ່ານ ຄຳປະດິດ ເຂັມມານິດ ແລະ ທ່ານ ນ. ວິໄລວອນ ຈັນທະລາຕີ ຈັດຂຶ້ນໃນວັນທີ 14 ສິງຫາ 2019 ທີ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫລວງວຽງຈັນ. ມີທ່ານ ສີຫຸນ ສິດທິລືໄຊ ຮອງເລຂາຄະນະພັກ, ຮອງເຈົ້າຄອງ ນະຄອນຫລວງວຽງຈັນ ຫົວໜ້າ ຮອງຫົວໜ້າພະແນກ ຫົວໜ້າຂະແໜງ ກອງວິຊາການ ຫ້ອງການ ຖວທ ເມືອງ ແຂກຖືກເຊີນ ແລະ ພະນັກງານເຂົ້າຮ່ວມ.

ໃນພິທີ ທ່ານ ນ. ດຳດວນ ຈັນທະວົງ ຮອງຫົວໜ້າ ຄະນະຈັດຕັ້ງ ນະຄອນຫລວງວຽງຈັນ ໄດ້ຜ່ານມະຕິຕົກລົງຂອງ ເຈົ້າຄອງ ນະຄອນຫລວງວຽງຈັນ ວ່າດ້ວຍການຍົກຍ້າຍ ແລະ ແຕ່ງຕັ້ງ ທ່ານ ຄຳປະດິດ ເຂັມມານິດ ຫົວໜ້າ ພະແນກ ຖວທ.ນວ ໄປຮັບໜ້າທີ່ໃໝ່ເປັນ ເຈົ້າເມືອງໆ ໄຊທານີ ແລະ ແຕ່ງຕັ້ງທ່ານ ນ. ວິໄລວອນ ຈັນທະລາຕີ ຫົວໜ້າ ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ) ມາຮັບໜ້າທີ່ໃໝ່ເປັນ ຫົວໜ້າ ພະແນກ ຖວທ.ນວ

ໂອການນີ້ ທ່ານ ຄຳປະດິດ ເຂັມມານິດ ໄດ້ຂຶ້ນຜ່ານຜົນງານການເຄື່ອນໄຫວວຽກງານຕະຫຼອດໄລຍະປະຕິບັດໜ້າທີ່ 10 ກົ່ວປີໃນ 03 ໜ້າວຽກຄື: ວຽກງານຖະແຫຼງຂ່າວ ວຽກງານວັດທະນະທຳ ແລະ ວຽກງານທ່ອງທ່ຽວ ຮ່ວມກັບຄະນະພັກ ຄະນະນຳພະແນກ ຂະແໜງ ກອງວິຊາການ ໃນການຈັດຕັ້ງ ປະຕິບັດວຽກງານ ຍາດແຍ່ງຜົນງານມາໄດ້ຫຼາຍດ້ານ ໂດຍສະເພາະວຽກງານຖະແຫຼງຂ່າວໃນການປະຕິບັດໜ້າທີ່ເປັນກະບອກສຽງໃຫ້ແກ່ອົງຄະນະພັກ ນວ ຜ່ານສື່ຕ່າງໆອອກສູ່ສັງຄົມ ຈຳນວນຄອບຄົວ ແລະ ບ້ານວັດທະນະທຳ ເພີ່ມຂຶ້ນ ປັດຈຸບັນມີຈຳນວນຄອບຄົວວັດທະນະທຳ 138.897 ຄອບຄົວ ໃນ 159.519 ຄອບຄົວ ທົ່ວ ນວ ເທົ່າກັບ 86,95% ບ້ານວັດທະນະທໍາ 463 ບ້ານ ໃນ 481 ບ້ານທົ່ວ ນວ ເທົ່າກັບ 96,25%.

ໂອກາດນີ້ ທ່ານ ສີຫຸນ ສິດທິລືໄຊ ໄດ້ກ້າວສະແດງຄວາມຍ້ອງຍໍຊົມເຊີຍຕໍ່ຜົນງານທີ່ທ່ານຫົວໜ້າພະແນກ ຖວທ.ນວ ຜູ້ເກົ່າ ພ້ອມດ້ອຍຄະນະ ທີ່ຍາດມາໄດ້ໃນໄລຍະຜ່ານມາ ຖືເປັນບົດຮຽນ ແລະ ປະສົມການຫຼາຍດ້ານ ເຊິ່ງເຕັມໄປດ້ວຍຂໍ້ສະດວກ ແລະ ຂໍ້ຫຍຸ້ງຍາກ ສິ່ງທ້າທາຍຫຼາຍດ້ານ ທີ່ຈະຕອງພ້ອມກັນສືບຕໍ່ ໂດຍສະເພາະ ຫົວໜ້າພະແນກ ຖວທ.ນວ ຜູ້ໃໝ່ເຖິງວ່າຈະມີປະສົບການຫຼາຍດ້ານໃນໄລຍະຜ່ານມາ ແຕ່ສິ່ງສຳຄັນທີ່ຈະຕ້ອງພ້ອມກັນເອົາໃຈໃສ່ສືບຕໍ່ຄືການປະສານສົບທົບແໜ້ນ ເຮັດວຽກເປັນໝູ່ຄະນະ ສ້າງຄວາມສາມັກຄີເປັນເອກະພາບໃຫ້ສູງເພື່ອພ້ອມກັນປະຕິບັດໜ້າທີ່ວຽກງານ ພ້ອມທັງເອົາໃຈໃສ່ສືບຕໍ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ ແລະ ພະນັກງານ ຂຸດຄົ້ນທ່າແຮງບົ່ມຊ້ອນ ຫົວຄິດປະດິດສ້າງ ເພື່ອສຸມໃສ່ການພັດທະນາ ແກ້ໄຂຈຸດອ່ອນ ຂໍ້ຄົງຄ້າງ ໂດຍສະເພາະຫາງເສຍຈົ່ມວ່າ ປາກົດການຫຍໍ້ທໍ້ທີ່ເກີດຂຶ້ນໃນສັງຄົມໃຫ້ໄດ້ຮັບການແກ້ໄຂເປັນກ້າວໆ ສືບຕໍ່ປະຕິບັດແຜນພັດທະນາວຽກງານຂະແໜງ ຖວທ ຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ ວຽກງານ 6 ສ ແລະ ແຜນພັດທະນາເສດຖະກິດ-ສັງຄົມຂອງ ນວ ກໍຄືແຫ່ງຊາດ ໃຫ້ບັນລຸຕາມຈຸດປະສົງລະດັບຄາດໝາຍທີ່ວາງໄວ້.

ຊ່ອງທາງການເຊື່ອມຕໍ່

ຈຳນວນຄົນອອນໄລ໌ທ

ມີ 42  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ

129130
ມື້ນີ້ມື້ນີ້147
ມື້ວານນີ້ມື້ວານນີ້187
ອາທິດນີ້ອາທິດນີ້89
ເອືອນນີ້ເອືອນນີ້2268
ທັງໝົດທັງໝົດ129130